Испанияда «Барселона»нинг Ла Лига 23-тури доирасида «Мальорка»га қарши бўлиб ўтадиган ўйин учун тахминий таркиби эълон қилинди.
«Кўк-анорранглилар» учун ўз майдонида кечадиган ушбу баҳс бугун бўлиб ўтади, ўйиннинг бошланиши Тошкент вақти билан соат 20:15 га белгиланган. «Diario Sport» нашри берган маълумотларга кўра, «Барселона» бош мураббийи Ханс-Дитер Флик Испания Кубоги доирасида «Альбасете»га қарши кечган олдинги баҳсда гол урган Рональд Араухони яна асосий таркибда майдонга туширишни режалаштирмоқда. Вингер Рафинья Диас қайдномада йўқ, Роберт Левандовски ва Дани Ольмо эса, манбанинг тахминига кўра, ўйинни захира ўриндиғида бошлашади.
Жамоанинг тўлиқ тахминий таркиби қуйидагича кўриниш олган: Жоан Гарсия; Алехандро Бальде, Пау Кубарси, Рональд Араухо, Жюль Кунде; Френки де Йонг, Марк Касадо; Маркус Рэшфорд, Фермин Лопес, Ламин Ямал; Ферран Торрес.













