Ispaniyada «Barselona»ning La Liga 23-turi doirasida «Malyorka»ga qarshi bo‘lib o‘tadigan o‘yin uchun taxminiy tarkibi e’lon qilindi.
«Ko‘k-anorranglilar» uchun o‘z maydonida kechadigan ushbu bahs bugun bo‘lib o‘tadi, o‘yinning boshlanishi Toshkent vaqti bilan soat 20:15 ga belgilangan. «Diario Sport» nashri bergan ma’lumotlarga ko‘ra, «Barselona» bosh murabbiyi Xans-Diter Flik Ispaniya Kubogi doirasida «Albasete»ga qarshi kechgan oldingi bahsda gol urgan Ronald Arauxoni yana asosiy tarkibda maydonga tushirishni rejalashtirmoqda. Vinger Rafinya Dias qaydnomada yo‘q, Robert Levandovski va Dani Olmo esa, manbaning taxminiga ko‘ra, o‘yinni zaxira o‘rindig‘ida boshlashadi.
Jamoaning to‘liq taxminiy tarkibi quyidagicha ko‘rinish olgan: Joan Garsiya; Alexandro Balde, Pau Kubarsi, Ronald Arauxo, Jyul Kunde; Frenki de Yong, Mark Kasado; Markus Reshford, Fermin Lopes, Lamin Yamal; Ferran Torres.
