«Астон Вилла» бош мураббийи Унаи Эмери жамоа ярим ҳимоячиси Харви Эллиотт борасида ўз фикрлари билан ўртоқлашди.
Эслатиб ўтамиз, 22 ёшли хавбек жорий мавсумни ижара асосида Бирмингемда ўтказмоқда. Унинг трансфер ҳуқуқи «Ливерпуль»га тегишли.
«Харви Эллиотт бизга ёрдам бериши мумкин. Аммо ҳозир ҳамма нарса менга боғлиқ эмас. Иккинчи томон — «Ливерпуль» бор. Энди бу спорт ва бизнесга оид қарор. Мен унга «Ливерпуль» футболчини мажбурий сотиб олиш ҳақидаги бандни бекор қилса, бу адолатли бўлишини айтдим», — дея Эмерининг сўзларини келтиради журналист Фабрицио Романо.
Жорий мавсумда Эллиотт барча турнирларда фақат тўққизта ўйинда майдонга тушди ва битта гол урди. «Transfermarkt» мутахассислари футболчининг қийматини 30 миллион еврога баҳоламоқда.
