"Реал Мадрид" якшанба куни оқшомда Испания чемпионати доирасида "Валенсия" меҳмони бўлади. "Қаймоқранглилар" устози Альваро Арбелоа нима учун мадридликларга анъанавий тарзда "Месталья" стадионида ўйнаш қийин кечиши ҳақидаги саволга жавоб берди.
"Валенсия"нинг доимо кучли жамоаси бўлган — сифатли таркиб, яхши мураббийлар... Валенсия шаҳрида биз "Реал" мухлислари томонидан катта қўллаб-қувватлашни ҳис қиламиз. Бироқ "Реал"ни мағлуб этиш — ҳар қандай жамоа учун мавсумдаги асосий вазифалардан биридир", — деди Арбелоа матбуот анжуманида.
"Реал" Ла Лига жадвалида иккинчи ўринда бормоқда. "Барселона" билан орадаги фарқ атиги бир очкони ташкил этади.
