"Челси" клуби Лиам Росеньор бошқаруви остида Англия Премьер-лигасидаги барча ўйинларда ғалаба қозонмоқда.

Бугун "кўклар" АПЛ 25-тури доирасида "Вулверхэмптон" устидан зафар қучишди — 3:1. Бунгача Росеньор қўл остида "Вест Хэм" (3:2), "Кристал Пэлас" (3:1) ва "Брентфорд" (2:0) жамоалари мағлуб этилган эди.

Янги мураббий келганидан бери "Челси" жами 9 та ўйин ўтказди. Мағлубиятлар фақат Лига Кубоги доирасида "Арсенал"дан қабул қилиб олинди (2:3, 0:1), қолган барча учрашувларда эса ғалаба қайд этилди.

10 февраль куни Росеньор жамоаси "Лидс Юнайтед" билан тўқнашади.