«Интер» клуби «Рома» ярим ҳимоячиси Лоренцо Пеллегринининг трансферига қизиқиш билдирмоқда.
Журналист Орацио Аккомандонинг маълумотларига кўра, Милан клуби футболчининг «бўрилар» билан шартномаси якунланадиган шу йилнинг ёзида уни эркин агент сифатида ўз сафига қўшиб олмоқчи. «Интер» трансферлар учун маблағ тежаш мақсадида келишувни бепул амалга оширишни, шу билан бирга марказий чизиқни кучайтиришни истамоқда.
Лоренцо Пеллегрини 2017 йилда «Сассуоло»дан 10 миллион евро эвазига «Рома»га ўтган эди. Жорий мавсумда ярим ҳимоячи Рим клуби сафида барча мусобақаларда 22 та ўйинда майдонга тушиб, 4 та гол урди ва битта голли узатмани амалга оширди.
