Испания чемпионатининг 23-турида Каталониянинг "Барселона" жамоаси "Мальорка"ни 3:0 ҳисобида йирик мағлуб этди. Учрашувдаги биринчи голни польшалик ҳужумчи Роберт Левандовски киритди.
Бу Левандовски гол уришга муваффақ бўлган Испания чемпионатидаги 57-ўйин бўлди. Ушбу кўрсаткич бўйича футболчи Хави Эрнандес, Рональд Куман ва Иван Ракитичга етиб олди — уларда ҳам Испания чемпионати доирасида гол урилган 57 тадан ўйин мавжуд.
Левандовскининг кейинги голи унга 2003 йилдан 2008 йилгача клуб шарафини ҳимоя қилган бразилиялик Роналдиньо билан тенглашиш имконини беради. Левандовскининг ўзи Каталония пойтахтига 2022 йилда кўчиб ўтган эди.













