Германия чемпионатида 21-тур ўйинлари бўлиб ўтмоқда. "Майнц" ўз уйида "Аугсбург"ни қабул қилди ва 2:0 ҳисобида ғалаба қозонди. Қизиғи шундаки, ушбу учрашувдаги ҳар иккала гол пенальтидан киритилди ва иккала сафар ҳам буни жамоанинг жорий мавсумдаги энг яхши тўпурари Надим Амири амалга оширди.

Унинг ҳисобида аллақачон тўққизта гол мавжуд, бироқ уларнинг еттитаси 11 метрлик нуқтадан киритилган! Пенальтидан урилган голлар сони бўйича Амири Европада фақат бир футболчидан ортда қолмоқда — Килиан Мбаппе Мадриднинг "Реал" клуби сафида пенальтидан саккизта гол уриб улгурган. Ҳозирда "Майнц" Германия чемпионати турнир жадвалида ўн тўртинчи ўринни эгаллаб турибди.