"Тоттенхэм" ҳимоячиси Кристиан Ромеро Англия Премьер-лигаси доирасида шанба куни "Манчестер Юнайтед"га қарши кечган баҳсда тўғридан-тўғри қизил карточка олди. Одатда, Англияда тўғридан-тўғри четлатиш учта ўйинлик дисквалификацияни англатади. Бироқ Ромеро учун жазо анча қаттиқроқ бўлади.
"Give Me Sport" нашрининг хабар беришича, Ромеро жорий мавсумда иккинчи бор қизил карточка олгани сабабли, ички мусобақаларда тўртта ўйинни ўтказиб юборади.
Шу тариқа, Кристиан Ромеро "Ньюкасл", "Арсенал", "Фулхэм" ва "Кристал Пэлас" жамоаларига қарши учрашувларда иштирок эта олмайди. Аргентиналик футболчи фақатгина март ойи ўрталарида, "Ливерпуль"га қарши баҳсда майдонга қайтиши мумкин.
