Франциянинг "Ренн" клуби ҳимоячиси Жереми Жаке Франция чемпионатининг сўнгги турида "Ланс"га қарши кечган баҳсда (1:3) жароҳат олди. Бу ҳақда Tribal Football журналистлари хабар бермоқда.
Жамоа устози Ҳабиб Беенинг сўзларига кўра, футболчининг елкаси шикастланган. Яқинда Жереми жорий мавсум якунлангач, "Ливерпул"га ўтиши маълум бўлганди. Инглиз клуби ҳимоячининг жароҳати тафсилотлари ҳақида Франциядан хабар кутмоқда.
Жакенинг трансфери мерсисайдликларга 63 миллион еврога тушади. Франция чемпионатининг жорий мавсумида Жереми 19 та учрашув ўтказиб, 4 та сариқ карточка олди ва 1 марта майдондан четлатилди.













