Fransiyaning "Renn" klubi himoyachisi Jeremi Jake Fransiya chempionatining so‘nggi turida "Lans"ga qarshi kechgan bahsda (1:3) jarohat oldi. Bu haqda Tribal Football jurnalistlari xabar bermoqda.
Jamoa ustozi Habib Beening so‘zlariga ko‘ra, futbolchining yelkasi shikastlangan. Yaqinda Jeremi joriy mavsum yakunlangach, "Liverpul"ga o‘tishi ma’lum bo‘lgandi. Ingliz klubi himoyachining jarohati tafsilotlari haqida Fransiyadan xabar kutmoqda.
Jakening transferi mersisaydliklarga 63 million yevroga tushadi. Fransiya chempionatining joriy mavsumida Jeremi 19 ta uchrashuv o‘tkazib, 4 ta sariq kartochka oldi va 1 marta maydondan chetlatildi.
