«ПСЖ» вингери Хвича Кварацхелия «Марсель»га қарши ўйинда майдонга қайтиши мумкин.
Грузиялик футболчи 28 январь куни Чемпионлар Лигаси доирасидаги «Ньюкасл»га қарши баҳсда (1:1) ўнг оёғидан жароҳат олган эди. Унинг 2–3 ҳафтага сафдан чиққани хабар қилинганди.
Журналист Фабрис Хокинснинг маълумотларига кўра, жароҳатдан сўнг машғулотларга қайтган 24 ёшли ярим ҳимоячи парижликларнинг бугунги ўйин учун қайдтномасига киритилди. Шунингдек, жамоа таркибидан янги ўйинчи Дро Фернандес ҳам жой олди.
«ПСЖ» бугун Лига 1нинг 21-тури доирасида «Марсель»ни қабул қилади. Ўйин Тошкент вақти билан тунги 00:45 да бошланади.













