Аввалроқ Мюнхеннинг «Бавария» клуби «Манчестер Юнайтед»нинг португалиялик ўнг қанот ҳимоячиси Диогу Далотни сотиб олишга қизиқиш билдираётгани ва инглиз клуби уни ёзда қўйиб юбориши мумкинлиги ҳақида хабар берилган эди.

Эндиликда немис гранди футболчи учун белгиланган юқори нарх туфайли ушбу трансферга шубҳа билан қараётгани қайд этилмоқда. Хабарларга кўра, мюнхенликлар ўйинчи учун кечаётган «пойга»дан чиқишлари мумкин. Сўнгги маълумотларга кўра, португалияликнинг «Манчестер Юнайтед» таркибидаги келажаги ҳали ҳам узил-кесил белгиланмаган.

Ҳимоячининг «қизил иблислар» билан амалдаги шартномаси 2028 йилгача мўлжалланган. «Transfermarkt» 26 ёшли футболчини 28 миллион еврога баҳоламоқда. Жорий мавсумда Далот 25 та ўйинда майдонга тушиб, 1 та гол урди ва 3 та голли узатмани амалга оширди.