Қанот ҳимоячиси Алекс Хименес «Милан»дан «Борнмут» клубига доимий асосда кўчиб ўтди. Бу ҳақда таниқли инсайдер Джанлука Ди Марцио хабар бермоқда.
Манбанинг маълумотларига кўра, «Борнмут» АПЛнинг 25-тури доирасида «Астон Вилла»га қарши кечган ўйиндан (1:1) сўнг Хименесни сотиб олиш ҳуқуқини фаоллаштирган. Таъкидланишича, инглиз клуби Италия томонига 19 миллион евро нақд ва 5 миллион евро бонуслар тариқасида тўлайди. «Борнмут» 20 ёшли Хименесни ўтган йилнинг сентябрь ойида «Милан»дан ижарага олган эди.
Англия чемпионатининг жорий мавсумида ҳимоячи 21 та ўйинда майдонга тушиб, битта гол уришга муваффақ бўлди.
«Transfermarkt» портали маълумотларига кўра, Хименеснинг бозор қиймати 18 миллион еврони ташкил этади.
