Ярим ҳимоячи Филип Костич "Ювентус"да ўйнашда давом этиши мумкин.
Calciomercato хабарига кўра, Турин клуби сербиялик футболчи захира футболчиси бўлишга рози бўлса, унга янги шартнома таклиф қилиши мумкин. Шунингдек, хавбек янги битим тузиш учун маошини камайтиришига тўғри келади.
Филип Костич 2022 йилда 14 миллион евро эвазига "Айнтрахт"дан "Ювентус"га ўтганди. Унинг шартномаси 2026 йилнинг 30 июнига қадар имзоланган.
Жорий мавсумда ярим ҳимоячи Турин клуби сафида барча мусобақаларда 17 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt портали 33 ёшли Костичнинг нархини 3,5 миллион еврога баҳоламоқда.
