Бугун Жанубий Корея чемпионатида 22-тур ўйинлари бўлиб ўтди. "Сеонгнам Ильва Чунма" клуби ўз майдонида "Пусан И'Парк" жамоасини қабул қилди. Жадвалда ёнма-ён кетаётган ушбу жамоалар кучли еттиликка киришга ҳаракат қилишяпти. Жадвалда юқори 7та жамоа орасига кирган жамоалар иккинчи босқичда совринли ўринлар учун курашни давом эттиришади.
Муросасиз ва қийин кечган ўйинда сеонгнамликлар кичик ҳисобда ғалаба қозонишди. Ўйиндаги ягона голни Ким Донг Суб 75-дақиқада киритди. Сервер Жепаров ўйинда тўлиқ ҳаракат қилди.
Ушбу ғалабадан кейин "Сеонгнам" очколари сонини 30тага етказиб олди. Биринчи босқич якунланишига 4 тур қолганида Жепаров жамоадошлари 7-ўриндаги жамоадан 2 очко ортда боришмоқда. Улар кейинги турда "Сувон" меҳмони бўлишади.