«Манчестер Сити» бош мураббийи Хосеп Гвардиола жамоа ҳимоячиси Марк Гехининг истиқболлари ҳақида ўз фикрлари билан ўртоқлашди.

"Мен ушбу клуб ва футболчиларнинг келажаги жуда порлоқ эканини айтгандим. Бу келажак ёрқин, чунки биз кучли ва ёрқин шахсиятга эга бўлган ҳақиқатан ҳам жуда яхши ўйинчиларни жалб қилдик. Марк топ-футболчига айланади! Менимча, у аллақачон шундай даражага чиқиб бўлган!" — дея Гвардиоланинг сўзларини келтирмоқда «City Report».

«Манчестер Сити» Гехини қишки трансфер ойнасида «Кристал Пэлас»дан 23 миллион евро эвазига сотиб олган эди. «Шаҳарликлар» таркибида 25 ёшли ҳимоячи учта учрашувда майдонга тушди ва битта сариқ карточка олди.