«Манчестер Сити» ҳимоячиси Марк Гехи «Ливерпуль»га қарши ғалабали ўйиндан сўнг ўз фикрлари билан ўртоқлашди. Англия Премьер-лигасининг 25-туридан ўрин олган ушбу баҳс 2:1 ҳисобида якунланди.

«Бугун бизда ўйин тақдирини ўзгартира оладиган икки нафар футболчи бор эди: майдоннинг бир томонида Эрлинг ва Бернарду, иккинчи томонида эса фантастик сейвни амалга оширган Жижио! Бугун ҳар бир ўйинчи ажойиб ўйин кўрсатди!» — дея Гехининг сўзларини келтирмоқда «City Report».

25 турдан сўнг «Манчестер Сити» 50 очко жамғарган ҳолда Англия чемпионати турнир жадвалида иккинчи ўринни эгаллаб турибди. Пешқадам «Арсенал» билан орадаги фарқ олти очкони ташкил этади.