Мадриднинг «Реал» клуби бош мураббийи Альваро Арбелоа чап қанот ҳимоячиси Альваро Каррераснинг кўрсатаётган ўйини ҳақида ўз фикрини билдирди.

22 ёшли футболчи якшанба куни «Валенсия»га қарши кечган баҳснинг 65-дақиқасида индивидуал маҳоратини намойиш этиб, ҳисобни очди. Учрашув якунида эса Килиан Мбаппе якуний ҳисобни ўрнатди — 2:0.

«Каррерас яна бир бор ўзининг нафақат ажойиб ҳимоячи эканини исботлади. У ҳужумда ҳам жуда кучли, унинг маҳорати олдинги чизиқда бизга катта ёрдам бермоқда», — дея Арбелоанинг сўзларини келтирмоқда «The Touchline».

Альваро Каррерас жорий мавсумда «Реал» сафида 29 та ўйинда майдонга тушиб, ўз ҳисобига иккита гол ва битта голли узатмани ёздириб қўйди.