«Ливерпуль» бош мураббийи Арне Слот ўз майдонида «Манчестер Сити»дан учралган мағлубиятдан сўнг истеъфога чиқарилиши мумкин. «Қизиллар» Премьер-лиганинг 25-тури доирасида кечган якшанба кунги баҳсда «шаҳарликлар»га имкониятни бой беришди (1:2).

«MatchDay Central» хабарига кўра, бугун кечқурун мерсисайдликларнинг юқори мартабали раҳбарлари нидерландиялик мутахассиснинг келажагини муҳокама қилиш учун йиғилиш ўтказади. Клуб аллақачон жорий мавсум давомида Слот билан хайрлашилган тақдирда мурожаат қилиниши мумкин бўлган мураббийлар номзодини ўрганиб чиққан.

Аввалроқ тарқалган миш-мишлар «Ливерпуль» бошқарувини ўтган ойда Мадриднинг «Реал» клубидан бўшатилган Хаби Алонсо эгаллаши мумкинлиги билан боғлаётган эди. Айни дамда Англиянинг амалдаги чемпионлари турнир жадвалида атиги олтинчи ўринни эгаллаб турибди.