Франциялик ҳужумчи Рандаль Коло-Муани Лондоннинг «Тоттенхэм» клубида доимий асосда қолмайди. Бу ҳақда «TEAMtalk» нашри хабар бермоқда.
Манбанинг маълумотига кўра, «шпорлар» ижара муддати якунлангач, 27 ёшли ҳужумчини «ПСЖ»дан сотиб олиш ниятида эмаслар. Таъкидланишича, айнан шу сабабли Коло-Муани қишки трансфер ойнасида «Тоттенхэм»ни тарк этмоқчи бўлган, бироқ бу амалга ошмаган. Эндиликда футболчи бўлажак Жаҳон чемпионати учун Франция терма жамоасининг якуний таркибига кириш имкониятларидан тобора кўпроқ хавотир олмоқда.
Жорий мавсумда Коло-Муани барча мусобақаларда 26 та ўйин ўтказиб, 3 та гол ва 3 та голли узатмани ўз ҳисобига ёздириб қўйди.
