"Манчестер Юнайтед"нинг афсонавий ҳимоячиси, ҳозирда футбол мутахассиси Гари Невилл "Манчестер Сити"ни жорий мавсум АПЛ чемпионлигига олиб келиши мумкин бўлган учликни айтди.
"Шаҳарликлар" сафида Гвардиола, Холанд ва Доннарумма бор. Айнан шу уч киши жамоани АПЛ чемпионига айлантириши мумкин", - дея собиқ футболчининг сўзларини келтиради Sky Sports.
Ўтган дам олиш кунлари "Манчестер Сити" сафарда амалдаги чемпион "Ливерпуль" билан куч синашди. Унда Хосеп Гвардиола шогирдлари 2:1 ҳисобидаги иродали ғалабани қўлга киритди.
АПЛ турнир жадвалида "шаҳарликлар" пешқадам Лондоннинг "Арсенал" клубидан 6 очко ортда қолиб, 2-ўринни эгаллаб турибди.
