Мюнхендаги жамоат транспорти ходимларининг иш ташлашига қарамай, «Бавария» ва «РБ Лейпциг» ўртасидаги Германия Кубоги учрашуви белгиланган вақтда бўлиб ўтади. «Bild» нашрининг хабар беришича, чоршанба, 11 февраль кунига режалаштирилган чорак финал баҳси қолдирилмайди. Якшанба, 8 февраль куни иш ташлаш сабабли ўйин бошқа муддатга кўчирилиши мумкинлиги ҳақида хабарлар тарқалган эди.

Иш ташлаш Мюнхен ҳудудидаги барча метро йўналишларига таъсир қилади, бу эса стадионга ташриф буюрмоқчи бўлган мухлислар учун қийинчиликлар туғдиради. Бироқ Мюнхен клуби ишқибозларнинг ўйин ўтказиладиган жойга хавфсиз ва қулай етиб боришларини таъминлаш мақсадида махсус транспорт ташкил этилишини маълум қилди.