Италия чемпионатининг 24-туридан ўрин олган баҳсда «Аталанта» ўз майдонида «Кремонезе» устидан 2:1 ҳисобида ғалаба қозонди.

Мезбонлар сафида голларга Никола Крстович ва Давиде Дзаппакоста муаллифлик қилди. Меҳмонлардан эса Мортен Торсби ўз номини таблога ёздириб қўйди.

Бергамо жамоаси А Сериядаги мағлубиятсиз сериясини еттита ўйинга етказди — 5 та ғалаба ва 2 та дуранг. «Аталанта» 39 очко жамғарган ҳолда турнир жадвалида 7-ўринни эгаллаб турибди.

«Кремонезе» эса 23 очко билан 16-поғонадан жой олган.

Италия Серия А. 24-тур | 9 февраль, 22:30 | «Атлети Адзурри д’Италия» (Бергамо)

«Аталанта» — «Кремонезе» — 2:1 (1-бўлим: 2:0)

Голлар: Крстович (13), Дзаппакоста (25) — Торсби (90+4).

«Аталанта»: Карнесекки (Д), Джимсити, Колашинац, Скальвини, Пашалич, Эдерсон, Залевски, Дзаппакоста, Самарджич, Распадори, Крстович. Захирадан тушганлар: Коссуну (59), Белланова (59), Бернаскони (70), Сулемана (70), Муса (78).

«Кремонезе»: Аудеро (Д), Баскиротто, Луперто, Чеккерини, Торсби, Мале, Грасси, Пеццелла, Барбьери, Варди, Бонаццоли. Захирадан тушганлар: Терраччано (40), Джурич (46), Пайеро (63), Санабрия (63), Дзербин (84).

Огоҳлантиришлар: Колашинац (49), Коссуну (82).