Франция чемпионати доирасида "ПСЖ" ўзининг энг ашаддий рақиби — "Марсель"ни тор-мор келтирди - 5:0. Шунга қарамай, парижликлар устози Луис Энрике ўзининг ҳамкасби — ҳужумкор футбол тарафдори сифатида танилган италиялик мутахассис Роберто де Дзербининг ишига юқори баҳо берди.

"Менга унинг ишлаш услуби ёқади. Унинг ҳужумкор футбол тарафдори экани ва доим ғалабага интилишини қадрлайман. У — Франция чемпионатидаги энг яхши мураббийлардан бири", — дея Энрикенинг сўзларини келтирмоқда derbyderbyderby.it.

Маълумот учун, "ПСЖ" ва "Марсель" ўртасидаги марказий баҳс (Le Classique) 5:0 ҳисобида парижликларнинг ғалабаси билан якунланди. Голларни Усмон Дембеле (дубль), Хвича Кварацхелия ва Ли Кан Ин киритган бўлса, яна бир гол меҳмонлар томонидан ўз дарвозасига йўлланди.

Ҳозирда "ПСЖ" Франция чемпионати турнир жадвалида 51 очко билан пешқадамлик қилмоқда ва "Ланс"дан икки очко олдинда бормоқда. "Марсель" эса 39 очко билан тўртинчи ўринда жойлашган.