Виктор Осимхен ва Адемола Лукман ўртасидаги зиддият расман якунланди — Нигерия терма жамоаси устози Эрик Шелль шундай ҳисоблайди. Низоли вазият Нигерия терма жамоаси ярим финалга қадар етиб борган Африка Кубоги вақтида юзага келган эди.
"Виктор Адемоладан ҳужумда камроқ ўйнаб, тез-тез ортга қайтишни сўради. Ҳаяжон устида жанжал чиқиб кетди, бундай ҳолат ҳар қандай кийиниш хонасида содир бўлиши мумкин. Эҳтимол, Виктор бироз ҳаддан ташқари асабийлашгандир", — деди мутахассис. Унинг сўзларидан "RMC Sport" иқтибос келтирмоқда.
Эслатиб ўтамиз, Сенегал терма жамоаси Африка Кубоги ғолибига айланди. Драматик ва можароларга бой кечган финал учрашувида улар Марокаш терма жамоасини мағлуб этишди.
