Кеча, 9 февраль санасида, FIFA Интизом қўмитаси "Металлург" клуби ва унинг собиқ футболчиси Иван Йосович ўртасидаги иш якуниланганлиги ҳақида маълум қилди.
Бекобод клуби серб футболчиси олдидаги қарздорликларини тўлақонли бартараф этган ва Йосович клубга нисбатан қўлланилган таъқиқнинг олиб ташланишини сўраб мурожаат қилган. Шуни инобатга олган ҳолда, FIFA Интизом қўмитаси клубга қўйилган янги футболчиларни рўйхатдан ўтказиш таъқиқини олиб ташлаб, мазкур ишни ёпиқ деб эълон қилди.
Таъкидлаш жоизки, Ўзбекистонда айни пайтда фаолият юритиб келаётган клублар орасида FIFA таъқиқи мавжуд бўлмаганлар қолмади.













