"Бавария" спорт директори Макс Эберль январь ойида Харри Кейн билан шартномани узайтириш бўйича музокаралар олиб борилаётгани ҳақида гапирган эди. Энди эса Эберль гўёки "орқага қайтгандек" кўринмоқда, бу эса бироз ғалати туюлади.
"Мен биз алоқада эканимизни айтгандим, аммо музокаралар ҳали бошлангани йўқ. Биз Гарри билан яқин мулоқотдамиз — кейинги қадамлар амалга оширилади", — дея Эберлнинг сўзларини "Goal" портали келтирмоқда.
Кейннинг "Бавария" билан амалдаги шартномаси 2027 йилнинг ўрталарига қадар мўлжалланган. Нуфузли "Transfermarkt" портали мутахассислари 32 ёшли инглиз футболчисини 65 миллион еврога баҳоламоқда.
Жорий мавсумда Харри Кейн 33 та ўйинда майдонга тушиб, рақиблар дарвозасига 38 та гол урди ва шерикларига бешта голли узатмани амалга оширди.
