"Bavariya" sport direktori Maks Eberl yanvar oyida Xarri Keyn bilan shartnomani uzaytirish bo‘yicha muzokaralar olib borilayotgani haqida gapirgan edi. Endi esa Eberl go‘yoki "orqaga qaytgandek" ko‘rinmoqda, bu esa biroz g‘alati tuyuladi.
"Men biz aloqada ekanimizni aytgandim, ammo muzokaralar hali boshlangani yo‘q. Biz Garri bilan yaqin muloqotdamiz — keyingi qadamlar amalga oshiriladi", — deya Eberlning so‘zlarini "Goal" portali keltirmoqda.
Keynning "Bavariya" bilan amaldagi shartnomasi 2027 yilning o‘rtalariga qadar mo‘ljallangan. Nufuzli "Transfermarkt" portali mutaxassislari 32 yoshli ingliz futbolchisini 65 million yevroga baholamoqda.
Joriy mavsumda Xarri Keyn 33 ta o‘yinda maydonga tushib, raqiblar darvozasiga 38 ta gol urdi va sheriklariga beshta golli uzatmani amalga oshirdi.
