2015 йилда фаолиятини якунлаган "Манчестер Юнайтед" собиқ ҳимоячиси Рио Фердинанд соғлиғидаги жиддий муаммолар ҳақида гапирди. 47 ёшли собиқ футболчи Mirror нашрига берган интервьюсида бел оғриғидан азият чекишини ва кўпинча ногиронлар аравачасида ҳаракатланишга ёки касалхона каравотида вақт ўтказишга мажбур бўлишини айтди.
"Анчадан бери белим оғрийди. Футболчилик фаолиятим давомида олган жароҳатларим бор... Олти йил давомида шунчаки ўйнаш учун таблеткалар ичиб, укол қилдим. Бу ўз таъсирини кўрсатди. Шундай пайтлар бўладики, бел оғриғи шунчалик кучли бўладики, бир неча кунни касалхонада ёки ногиронлар аравачасида ўтказишимга тўғри келади. Бу ақлсизлик, лекин оғриқ ҳеч қаердан пайдо бўлмайди.
Нафақага чиққанимдан кейин биринчи марта физиотерапевтга қатнай бошладим. У мен билан кўп ишлайди ва ўша бинода менинг шахсий мураббийим бўлиб, у менга машғулотларим ҳақида маълумот беради. Энди машғулотларга комплекс ёндашяпман ва умид қиламанки, бу менга ҳақиқатан ҳам ёрдам беради. Синган нарсани тузатмоқ ўрнига, жароҳатларнинг олдини олган маъқул. Энди нима қилаётганимни биламан. Лекин мен 47 ёшдаман. Буни тушуниш учун менга шунча вақт керак бўлди", - дея Фердинанднинг сўзларини келтиради Mirror.
Рио Фердинанд "Манчестер Юнайтед"да 12 йилдан ортиқ вақт ўтказди ва клуб сафида 455 та ўйин ўтказиб, саккизта гол урди. Фаолиятини якунлаганидан бери у телекомпания шарҳловчиси бўлиб ишлайди.
