"Opta" компанияси Англия чемпионатидаги чемпионлик пойгаси бўйича янгиланган прогнозини тақдим этди. Тегишли хабар ушбу статистик компаниянинг сайтида эълон қилинди.

Аввалгидек, Лондоннинг "Арсенал" клуби ғалаба учун асосий даъвогар сифатида кўрилмоқда. "Тўпчилар"нинг чемпион бўлиш эҳтимоли 90,54% ни ташкил этмоқда. Кейинги ўринлардан қуйидаги жамоалар жой олган: "Манчестер Сити" (8,17%), "Астон Вилла" (1,14%), "Челси" (0,11%) ва "Манчестер Юнайтед" (0,04%).

Микель Артета шогирдлари 25 та ўйиндан сўнг 56 очко жамғаришган. "Манчестер Сити" улардан 6 очко, "Астон Вилла" 9 очко, "Манчестер Юнайтед" 12 очко ва "Челси" 13 очко орқада қолмоқда.