«Ювентус»нинг собиқ дарвозабони ва афсонаси Жанлуижи Буффон туринликлар ҳужумчиси Кенан Йилдиз ҳақида ўз фикрлари билан ўртоқлашди.

«Мен учун Йилдиз шундай футболчи-ки, агар у «Ювентус» билан Чемпионлар лигасида ғолиб чиқса, клуб афсонасига айланади. Унинг майдонда кўрсатаётган ўйини — бу чинакам ғайриоддий ҳодиса», — деди Буффон DAZN телеканалига берган интервьюсида.

Маълумот учун, Кенан Йилдиз 2022 йилда «Бавария»дан «Ювентус»га эркин агент сифатида келиб қўшилган эди. Шу йилнинг 7 февраль куни туркиялик иқтидор соҳиби туринликлар билан 2030 йилнинг 30 июнига қадар мўлжалланган янги шартномага қўл қўйди. Жорий мавсумда ҳужумчи барча мусобақаларда 32 та ўйинда майдонга тушиб, 9 та гол урди ва 8 та голли узатмани амалга оширди.