«Борнмут» ҳужумчиси Эли Крупи фаолиятини Англиянинг бошқа бир гранд клубида давом эттириши мумкин. Бу ҳақда «Caught Offside» нашри хабар бермоқда.

Журналистларга маълум бўлишича, 19 ёшли футболчининг трансферига «Ливерпуль» жиддий қизиқиш билдирмоқда. «Қизиллар» жорий мавсум якунланганидан кейин футболчини қўлга киритишга ҳаракат қилиб кўришлари мумкин. Шу билан бирга, «Борнмут» франциялик иқтидор соҳиби учун анчагина катта маблағ — 80 миллиондан 90 миллион еврогача (тахминан 70-80 миллион фунт) талаб қилмоқда.

Англия Премьер-лигасининг жорий мавсумида ҳужумчи 22 та учрашувда иштирок этиб, ўз ҳисобига 8 та гол ёздириб қўйишга улгурди. Крупининг «олчалар» билан амалдаги шартномаси 2030 йилнинг ёзига қадар мўлжалланган.