«Барселона» спорт директори Деку ярим ҳимоячи Марк Берналь ва жамоанинг собиқ аъзоси Серхио Бускетс ўртасидаги таққослашларга муносабат билдирди.

«Бернални Бускетс билан солиштиришга ҳали жуда эрта. Мен учун Бускетс тарихдаги энг яхши таянч ярим ҳимоячиси ҳисобланади, бироқ Берналда ҳам истеъдод бор ва у ривожланишда давом этиши керак», — дея Декунинг сўзларини «Barca Universal» нашри келтирмоқда.

18 ёшли Берналь — «Барселона» академияси тарбияланувчисидир. Жорий мавсумда у барча мусобақаларни инобатга олган ҳолда 18 та ўйинда иштирок этиб, битта гол ва битта голли узатмани ўз ҳисобига ёздириб қўйди.

Берналнинг «кўк-анорранглилар» билан шартномаси 2029 йилга қадар мўлжалланган. «Transfermarkt» экспертлари футболчининг трансфер қийматини 10 миллион еврога баҳоламоқда.