Каталониянинг «Барселона» клуби вундеркинди Ламин Ямал футболдан ташқарида, кундан-кунга ўсиб бораётган машҳурлигига қарамай, оддий ҳаёт кечиришга ҳаракат қилаётганини таъкидламоқда.
«Мен исталган 18 ёшли йигит қиладиган ишларни қиламан. Дўстларим билан айланаман, укамга ғамхўрлик қиламан, видеоўйинлар ўйнайман — шунга ўхшаш нарсалар. Мен фақат футбол ҳақида ўйламасликка ҳаракат қиламан, ҳаётни бошқа жиҳатлардан ҳам ҳис қилишни истайман», — дея Ямалнинг сўзларини «derbyderbyderby.it» нашри келтиради.
Эслатиб ўтамиз, Ламин Ямаль «Барселона» сафидаги илк ўйинини 2023 йилнинг апрелида ўтказган эди. 2024 йилнинг ёзида эса у Испания терма жамоаси таркибида Европа чемпионига айланди.
