"Барселона" спорт директори Деку нидерландиялик яримҳимоячи Френки де Йонг билан меҳнат шартномасини узайтириш ҳақида гапирди. Ўтган йилнинг октябрь ойида хавбек 2029 йилгача мўлжалланган янги шартнома имзолаганди.
"Барса" талабчан, айниқса, катта пул тўланадиган ўйинчиларга, аммо Френки ўз формасининг чўққисида ва у билан шартномани узайтирмаслик хато бўларди", - дея функционернинг сўзларини келтиради Barca Universal.
Де Йонг "Барселона" сафида 2019 йилдан буён тўп тепиб келмоқда. Жорий мавсумда ярим ҳимоячи барча мусобақаларда 28 та ўйинда майдонга тушиб, 7 та голли узатмани амалга оширди.
Transfermarkt маълумотларига кўра, 28 ёшли де Йонгнинг нархи 45 миллион еврога тенг.
