Лондоннинг "Челси" клуби ҳужумчиси Жоао Педро "Лидс"га қарши кечган уй учрашуви ҳақида ўз фикрларини билдирди. Баҳс 2:2 ҳисобидаги сермаҳсул дуранг билан якунланди.
"Биз ўйинни назорат қилаётган эдик, 2:0 ҳисобида олдинда бораётгандик. Аммо кейин иккита гол ўтказиб юбордик. Натижадан жуда хафамиз, чунки яхши ўйин кўрсатгандик. Жорий мавсумда жамоамизда бундай ҳолатлар кўп кузатилмоқда", - дея бразилиялик ҳужумчининг сўзларини клуб матбуот хизмати келтиради.
Ўтказилган 26 та ўйиндан сўнг Лиам Росеньор шогирдлари 44 очко жамғаришган ва турнир жадвалида бешинчи ўринни эгаллаб туришибди. "Аристократлар" тўртинчи ўринда бораётган "Манчестер Юнайтед"дан бир очко орқада қолмоқда.
