Чап қанот ҳимояси учун футболчи топиш "Ливерпуль"нинг асосий трансфер мақсадига айланди, дея хабар беради Liverpool Echo.
Мерсисайдликлар "Гранада" вакили Гильерме Сикейрани ҳарид қилиш учун қўлларидан келган барча ишни амалга оширишга тайёрлар.
27 ёшли бразилиялик учун "Ливерпуль" 5 миллион фунт тўлашга тайёр. Аммо испан клуби бундан бир миллион кўпроғини сўрамоқда.
Аввалроқ "қизиллар" "Валенсия" ҳимоячиси Али Сиссоко ва "Бенфика" аъзоси Лоренсо Мельгарехолар билан қизиққандилар, аммо улар учун борган музокаралар муваффақиятсиз якунланди.
Эслатиб ўтамиз, Сикейрага "Реал" ҳам даъвогарлик қилаётгани борасида хабарлар бор.