"Атлетико" ҳужумчиси Хулиан Альварес "Арсенал"нинг қизиқишлар доирасида бўлиб турибди.
"TEAMtalk" нашрининг хабарига кўра, Мадрид клуби ўз футболчисининг сотувидан 100 миллион евро ишлаб олмоқчи. "Тўпчилар" эса сўралаётган нархни тушириш учун трансфер келишувига ҳужумчи Габриэль Жезус ёки Габриэль Мартинеллини қўшишга тайёр.
Хулиан Альварес 2024 йилда "Манчестер Сити"дан "Атлетико"га 75 миллион евро эвазига ўтган эди. Унинг мадридликлар билан шартномаси 2030 йилнинг 30 июнига қадар мўлжалланган. Жорий мавсумда ҳужумчи "матрасчилар" сафида барча мусобақаларда 32 та ўйинда майдонга тушиб, 11 та гол урди ва бешта голли узатмани амалга оширди.













