"Бавария"нинг собиқ ўйинчиси Брайан Сарагоса Римга кўчиб ўтди ва ҳозирда "Рома" шарафини ҳимоя қилмоқда. Журналистлар ундан Джан Пьеро Гасперини жамоасидаги дастлабки кунлари қандай ўтаётгани ҳақида сўрашди.
"Римдаги дастлабки кунларим идеал тарзда ўтди. Мен дарҳол ўзимни ўз уйимдагидек ҳис қилдим. Жамоадошларим ҳам, мухлислар ҳам мени ажойиб кутиб олишди. Ишончим комилки, биз биргаликда кўплаб муваффақиятларга эриша оламиз", — дея Сарагосанинг сўзларини "forzaroma.info" нашри келтирмоқда.
Ҳозирда "Рома" Италия чемпионати турнир жадвалида бешинчи ўринни эгаллаб турибди. Клуб охирги марта узоқ 2001 йилда чемпионликни қўлга киритган эди.
