"Bavariya"ning sobiq o‘yinchisi Brayan Saragosa Rimga ko‘chib o‘tdi va hozirda "Roma" sharafini himoya qilmoqda. Jurnalistlar undan Djan Pyero Gasperini jamoasidagi dastlabki kunlari qanday o‘tayotgani haqida so‘rashdi.
"Rimdagi dastlabki kunlarim ideal tarzda o‘tdi. Men darhol o‘zimni o‘z uyimdagidek his qildim. Jamoadoshlarim ham, muxlislar ham meni ajoyib kutib olishdi. Ishonchim komilki, biz birgalikda ko‘plab muvaffaqiyatlarga erisha olamiz", — deya Saragosaning so‘zlarini "forzaroma.info" nashri keltirmoqda.
Hozirda "Roma" Italiya chempionati turnir jadvalida beshinchi o‘rinni egallab turibdi. Klub oxirgi marta uzoq 2001 yilda chempionlikni qo‘lga kiritgan edi.













