«Арсенал» бош мураббийи Микель Артета футболда мураббийлар учун ҳам махсус трансфер ойнасини жорий этиш кераклиги ҳақидаги саволга жавоб берди. Бу таклифга кўра, клублар худди футболчилар каби, мураббийлар билан ҳам фақат белгиланган муддатларда хайрлашиши ёки янги мутахассисни жалб қилиши мумкин бўлади.
«Мен бу мавзуга тўхталмоқчи эмасман — очиғи, билмайман. Ўйлашимча, клублар қандай йўл тутиш маъқулроқ эканлигини ҳал қилишда эркин бўлишлари керак. Бу доим шундай бўлиб келган ва ушбу қоиданинг ўзгартирилиши вазиятни яхши томонга ўзгартирган бўлармиди, йўқми, буни айта олмайман», — деди Артета матбуот анжуманида.
Ҳозирда Микель Артета «Арсенал» футболчиларини Англия чемпионати доирасидаги «Брентфорд»га қарши сафар ўйинига тайёрламоқда. Ушбу баҳс пайшанба куни, 12 февраль куни бўлиб ўтади.
