«Арсенал» ярим ҳимоячиси Кай Хаверц мушакларидан жароҳат олди ва катта эҳтимол билан бир неча ҳафтани ўтказиб юборади.
Журналист Дэвид Орштейн ўзининг «X» ижтимоий тармоғидаги саҳифасида хабар беришича, 26 ёшли германиялик футболчи «Брентфорд», «Уиган» (Англия Кубоги), «Вулверхэмптон» ва «Тоттенхэм»га қарши бўладиган учрашувларда жамоасига ёрдам бера олмайди.
Хаверц атиги ўтган ойдагина тиззасидан олган жароҳатидан фориғ бўлиб, «канонирлар» сафига қайтган ва сўнгги тўртта ўйинда иштирок этган эди.
Айни дамда «Арсенал» таркибида жароҳатлар сабабли Микель Мерино, Мартин Эдегор, Букайо Сака ва Макс Доуман каби етакчи футболчилар ҳам майдонга туша олишмаяпти.
