Мадриднинг «Атлетико» клуби «Барселона» марказий ҳимоячиси Рональд Араухонинг ҳужумчи Хулиан Альварес ҳақидаги фикрларидан норози.
Испания Кубоги доирасидаги баҳс олдидан уругвайлик футболчи Альварес «Барселона»да ўйнаши кераклигини таъкидлаган эди. «Marca» нашрининг хабарига кўра, «матрасчилар» кийиниш хонасида бу гаплар клубга нисбатан ҳурматсизлик сифатида қабул қилинган. Эслатиб ўтамиз, Каталония гранди анчадан бери аргентиналик ҳужумчига қизиқиш билдириб келаётгани айтилади.
«Атлетико» ва «Барселона» ўртасидаги Испания Кубоги ярим финалининг дастлабки учрашуви бугун бўлиб ўтади, баҳс Тошкент вақти билан 01:00 да бошланади.
