«Монако» бош мураббий Себастьен Поконьолида тегишли лицензия йўқлиги сабабли 425 000 евро миқдорида жаримага тортилади. Бу ҳақда «L’Équipe» нашри хабар бермоқда.
Нашр маълумотларига кўра, монегасклар устозида унинг даражасини ва Франция олий дивизиони клубларини бошқариш имкониятини тасдиқловчи сертификат мавжуд эмас. Шу сабабли «Монако» жамоани бельгиялик мутахассис бошқариб тушган ҳар бир Лига 1 ёки Франция Кубоги ўйини учун 25 000 евродан тўлашга мажбур. Ҳозирги вақтда бу сумма 425 000 еврога етди, бироқ мавсум якунигача у 750 000 еврогача кўтарилиши мумкин.
Поконьоли Франция клубини 2025 йилнинг кузида қабул қилиб олган эди. Унинг қўл остида «Монако» 23 та ўйин ўтказиб, уларнинг саккизтасида ғалаба қозонди. Айни дамда жамоа 21 турдан сўнг 28 очко жамғарган ҳолда Лига 1 жадвалида 10-ўринни эгаллаб турибди.
