«Барселона» бош мураббийи Ханс-Дитер Флик Мадриднинг «Атлетико» жамоасига қарши ўйинда эрта алмаштиришни амалга оширишга қарор қилди.

Каталонияликлар Кубок ярим финалининг 33-дақиқасига келибоқ «матрасчилар»дан учта гол ўтказиб юборишди. Меҳмонлар устози бунга тезкорлик билан муносабат билдирди: 37-дақиқада у ярим ҳимоячи Марк Касадони майдондан олди ва унинг ўрнига ҳужумчи Роберт Левандовскини туширди.

"Мен Касадога уни сариқ карточкаси борлиги учун алмаштиришга мажбур бўлганимни айтдим. Ўйин жуда шиддатли кечаётган эди ва кейинги тўқнашувда Марк майдондан четлатилиши мумкин эди", — дея Фликнинг сўзларидан иқтибос келтирмоқда «Barca Universal».

Қолган вақт давомида «кўк-анорранглилар» яна битта гол ўтказиб юборишди, аммо ўзлари гол ура олишмади — 0:4.