Португалиялик мутахассис, ҳозирда Лиссабоннинг «Бенфика» клуби бош мураббийи лавозимида ишлаётган Жозе Моуриньо «Барселона»нинг собиқ ҳужумчиси Лионель Месси билан бўлган рақобат ҳақида фикр билдирди.
"Лео билан рақобат менга мураббий сифатида ривожланиш имконини берди. Ҳар сафар жамоам «Барселона»га қарши ўйнаганида, мен бор эътиборимни Мессига қаратишим ва унга қарши қандай ҳаракат қилиш ҳақида ўйлашим керак эди", — дея «Special One» (Махсус) лақабли мураббийнинг сўзларини ижтимоий тармоқларда «Transfer News Live» нашри келтирмоқда.
Эслатиб ўтамиз, Моуриньо аввалроқ Мадриднинг «Реал», Лондоннинг «Челси» ва бошқа жамоаларида фаолият юритган.
Месси ҳозирда Американинг «Интер Майами» клуби ўйинчиси ҳисобланади.
