«Барселона» ҳужумчиси Роберт Левандовски жорий мавсум якунида бошқа клубга ўтиши мумкин.
«Mundo Deportivo» журналистларига маълум бўлишича, тажрибали польшалик тўпурарнинг хизматларига Мадриднинг «Атлетико», Истанбулнинг «Фенербаҳче», «Милан», «Чикаго Файр» клублари ва Саудия Арабистони чемпионатининг номи ошкор этилмаган жамоаси қизиқиш билдирмоқда.
37 ёшли бомбардирнинг «кўк-анорранглилар» билан амалдаги шартномаси 2026 йил июнь ойи охирида ниҳоясига етади. «Transfermarkt» портали Левандовскининг бозор қийматини 9 миллион еврога баҳоламоқда.
Роберт 2022 йилнинг июль ойидан бери Каталония гранди шарафини ҳимоя қилиб келмоқда.
