«Барселона» президенти вазифасини бажарувчи Рафа Юсте Испания Кубоги дастлабки ярим финал учрашувида «Атлетико»га (0:4) қарши ўйинда ҳимоячи Пау Кубарсининг голи бекор қилингани ҳақида гапирди.
Иккинчи бўлимда 6 дақиқалик текширувдан сўнг, бош ҳакам Хуан Мартинес Мунуэра оффсайд сабабли Каталония клубининг голини бекор қилди. Юсте ВАР қарорини «шармандалик» деб атади ва «қарор кутиш учун сарфланган саккиз дақиқа»дан норозилигини билдирди.
"Президент сифатида шуни айтмоқчиманки, биз буни эътиборсиз қолдирмаймиз ва тушунтириш талаб қиламиз. Ўйинда нима содир бўлишини билиш учун саккиз дақиқа ўтиб кетишига йўл қўйиб бўлмайди", — деди Юсте «Catalunya Radio»га берган интервьюсида.
