Нидерландиянинг «АЗ Алкмаар» клуби ярим ҳимоячиси Кес Смит Европа грандларининг эътиборида қолишда давом этмоқда.

20 ёшли футболчи бир неча ойдан бери Мадриднинг «Реал» клуби учун трансфер мақсади бўлиб келаётган эди, бироқ «қироллик» клуби нидерландиялик ўйинчи учун курашда жиддий рақобатга учрайди. Журналист Экрем Конурнинг маълумотларига кўра, ёш юлдузни «Барселона», «Бавария», «Челси», «Ньюкасл» ва «Ливерпуль» клублари ҳам диққат билан кузатиб бормоқда. «АЗ Алкмаар» хавбек учун 60 миллион евро талаб қилмоқда.

Жорий мавсумда Кес Смит 31 та ўйинда майдонга тушиб, ўз ҳисобига учта гол ва бешта голли узатмани ёздириб қўйди. Машҳур «Transfermarkt» порталида ўйинчининг нархи 22 миллион евро деб баҳоланган.